Xestionado por Marcos Vázquez Marey.
Xestión de proxectos relacionados coa promoción económica local do Concello; participación en tarefas relacionadas co desenvolvemento e sistema produtivo do mesmo.
FUNCIÓNS E TAREFAS DO AXENTE DE EMPREGO E DESENVOLVEMENTO LOCAL
As axencias de desenvolvemento local iniciaron a súa andadura de forma xeral no territorio galego alá polo ano 1998, cando a Consellería competente en materia de emprego (naquel intre a Consellería de Familia e Promoción do Emprego), recién transferidas as competencias en materia de emprego ás comunidades autónomas, tomou a decisión de crear a nivel da administración local unha figura directamente relaciona coa promoción do emprego e da promoción económica.
Segundo a lexislación autonómica Galega vixente, regulada por unha orde de convocatoria de subvención anual, as funcións dos “axentes de emprego e desenvolvemento local”, son as que seguen:
a) Prospección de recursos ociosos ou infrautilizados, de proxectos empresariais de promoción económica local e iniciativas innovadoras para a xeración de emprego no ámbito local, identificando novas actividades económicas e posibles emprendedores, así como prospección das necesidades de persoal das empresas co obxecto de identificar novos nichos de emprego.
b) Difusión e estímulo de potenciais oportunidades de creación de actividade entre as persoas desempregadas, promotores e emprendedores, así como institucións colaboradoras, levando a cabo accións de sensibilización cara á promoción dunha maior conciencia empresarial como oportunidade de emprego.
c) Acompañamento técnico no inicio de proxectos empresariais para a súa consolidación en empresas xeradoras de novos empregos, asesorando e informando sobre a viabilidade técnica, económica e financeira e, en xeral, sobre os plans de lanzamento das empresas.
d) Apoio aos promotores das empresas, unha vez constituídas estas, acompañándoos tecnicamente durante as primeiras etapas de funcionamento, mediante a aplicación de técnicas de consultoría en xestión empresarial e asistencia nos procesos formativos adecuados para contribuír á boa marcha das empresas creadas.
e) Calquera outra que contribúa á promoción e implantación de políticas activas de emprego, relacionadas fundamentalmente coa creación de actividade empresarial.
Na práctica, os axentes de desenvolvemento local contratados nos concellos de Galicia, de forma xeral, adaptáronse ás necesidades reais de dunha administración, a local, que é a máis próxima á poboación, polo tanto, realizan tarefas, ademais das lexisladas (que na actualidade se ven complementadas polos servizos de orientación ao emprego), diversas, dependendo da formación e habilidades de cada técnico contratado (todos eles con formación universitaria de base e específica relacionada co posto).
Neste Concello de Láncara, o axente de emprego e desenvolvemento local, atende e/ou colabora nas seguintes áreas:
Medio rural:
-Xestión de cartografía, propia do Concello e doutras entidades relacionadas.
-Xestión de datos catastrais.
-Apoio xeral aos gandeiros en diversas consultas.
-Xestión dos datos do recoñecementos das explotacións.
-Xestión dos montes de propiedade municipal para aproveitamento dos gandeiros/as do Concello e inscrición na súa declaración de superficies da PAC.
-Prevención e defensa de incendios forestais; estas tres programas que seguen, son subvencionados pola Consellería do Medio Rural da Xunta de Galicia, e polo tanto teñen unha posta en marcha inicial cada ano consistente na selección e contratación de persoal, adquisición de materiais, planificación do traballo, xustificación inicial e xustificación final ante a Xunta de Galicia.
-Campaña de brigadas de prevención e extinción.
-Campaña de prevención mediante roza de pistas municipais.
-Campaña de prevención e defensa co uso da motobomba municipal.
-Control de uso dos bens municipais por parte dos compradores e comercializadores de madeira que actúan dentro do territorio do Concello.
Emprego:
-Atención ás consultas de emprendedores, e axuda na posta en marcha inicial da idea se é requirida, mediante información sobre as posibilidades de éxito e as axudas dispoñibles.
-Solicitude e xestión de axudas da Consellería de Traballo e Benestar relacionadas coa mellora da empregabilidade dos parados do concello, mediante programas de cooperación entre o Concello e a Xunta de Galicia que permiten a contratación subvencionada de traballadores para a realización de obras ou atención de servizos que presta o Concello. Neste campo, desde este servizo, xestionase a posta en marcha do servizo, seguimento e control e a xustificación final.
-Colaboración en tódolos programas relacionadas co fomento do emprego do Concello, tales como obradoiros de emprego, escolas taller, cursos AFD, etc.
Urbanismo:
-Xestión diaria de cartografía.
-Colaboración na mellora do PXOM.
Catastro:
-Xestión de cartografía catastral, relacionada coa base de datos do IBI rústica e urbana municipal
Informes:
-Elaboración de informes técnicos sobre distintos casos relacionados coa xestión de conflitos municipais.
Subvencións:
-Tramitación inicial e final de gran parte das axudas que se solicitan nesta entidade.
En definitiva, o AEDL, configúrase como un traballador integrado nas necesidades diarias da administración local co ánimo de prestar un servizo o máis completo posible.
